Peishi invasors, estanhs alterats
Era pesca enes estanhs de nauta montanha: ua activitat tradicionau devenguda un problèma de conservacion.
En Pirenèu i a agut un procès d’introduccion e explotacion istorica que remonte enquias sègles XIV-XV e qu’afècte aproximativament un 25% des estanhs. Aguestes introduccions istoriques utilizauen trueita autoctòna des arrius propèrs. A compdar dera segona mitat deth sègle XX, i auec un increment significatiu des introduccions, sustot de granes quantitats de juvenils de desparières espècies provinentes de piscifactories locaus. Aguestes practiques modèrnes an implicat un increment dera proporcion d’estanhs de nauta montanha damb peishi qu’a arribat ath 40-90% segontes er airau.
Actuaument, un 32% des estanhs deth SCI Pallars e 75% deth SCI Aigüestortes an poblacions estables de peishi. Es saumonids introdusits en Pirenèu son era trueita comuna (Salmo trutta), era trueita irisada (Oncorhynchus mykiss) e era trueita de riuòt (Salvelinus fontinalis). Era pesquida europèa (Phoxinus sp.), un petit ciprinid, a estat tanben introdusit en fòrça estanhs deth Pirenèu, tot e qu’en aguest cas era sua preséncia se deu ath sòn usatge coma esca viua entara pesca dera trueita.
Enes Aups italians, es peishi introdusits son presents en 89% des estanhs deth Parc Naturau Mont Avic e en 35% des deth Parc Nacionau Gran Paradiso. Es espècies introdusides en Mont Avic son era trueita aupina (Salvelinus alpinus), era pesquida europèa (Phoxinus sp), eth Telestes multicellus, era trueita comuna (Salmo trutta) e era trueita irisada (Oncorhynchus mykiss), mentre qu’en Parc Nacional Gran Paradiso son era trueita de riuòt (Salvelinus fontinalis) e era trueita comuna (Salmo trutta).
Es preferéncies d’abitat d’aguesti peishi s’encavalquen totaument o parciaument damb es des espècies objectiu deth projècte (Calotriton asper, Alytes obstetricans, Rana temporaria, Galemys pyrenaicus), que passen tota (anfibis) o part (G. pyrenaicus) dera sua vida en estanhs e basses entara sua reproduccion, estadi larvau, alimentacion, etc. Aguest encavalcament soent produsís un patron d’exclusion en qu’es espècies objectiu s’acaben extingint (pera depredacion dirècta) o son desplaçades (efècte hugida des depredadors) pes peishi. Aguesti peishi introdusits tanben genèren conseqüéncies sus es insectivòrs terrèstres que depenen des estanhs entara alimentacion, coma ei eth cas des arrates-caudes (R. hipposideros, B. barbastellus, M. myotis, M. blythii, M. bachsteini, N. lasiopterus and P. macrobullaris). Per toti aguesti motius, era introduccion de peishi ei ua des principaus menaces entad aguestes espècies objectiu enes estanhs de nauta montanha.
Pesquida
Phoxinus spp.
Al·lòctona | Introdusides as estanhs
Pesquida
Phoxinus spp. (Rafinesque, 1820)
Origin: Al·lòctona
Habitat: Introdusides as estanhs
Es pesquides deth genre Phoxinus son petits ciprinids de mens de 12 cm de longitud introdusits en fòrça estanhs deth Pirenèu e quauqu’uns des Aups italians. Era sua preséncia se relacione damb eth sòn usatge coma esca viua entà pescar. Es pesquides an un comportament gregari e competissen damb era trueita, ja qu’an era madeisha dièta.
Totes es pesquides europèes s’identificauen anteriorament coma Phoxinus phoxinus (Linnaeus, 1758), mès des der an 2007 d’auti autors n’an descrit naues espècies.
Pesquida dera Garona
Phoxinus dragarum
Al·lòctona | Introdusides as estanhs
Pesquida dera Garona
Phoxinus dragarum ((naua espècia))
Origin: Al·lòctona
Habitat: Introdusides as estanhs
Eth Phoxinus dragarum ei era unica espècia de pesquida detectada enes estanhs de nauta montanha deth Pirenèu, concrètament en Parc Nacional d’Aigüestortes e Estany de Sant Maurici e en Parc Natural de l’Alt Pirineu. Aguesta espècia tanben s’a detectat en arrius catalans e ena Garona francesa.
Pesquida deth Danubi
Phoxinus csikii
Al·lòctona | Introdusides as estanhs
Pesquida deth Danubi
Phoxinus csikii (Hankó, 1922)
Origin: Al·lòctona
Habitat: Introdusides as estanhs
S’a trapat P. csikii enes estanhs de nauta montanha des Aups italians.
Pesquida deth Languedòc
Phoxinus septimaniae
Al·lòctona | Introdusides as estanhs
Pesquida deth Languedòc
Phoxinus septimaniae (Kottelat, 2007)
Origin: Al·lòctona
Habitat: Introdusides as estanhs
S’a trapat P. septimaniae enes estanhs de nauta montanha des Aups italians.
Trueita comuna
Salmo trutta
Al·lòctona | Introdusides as estanhs
Trueita comuna
Salmo trutta (Linnaeus, 1758)
Origin: Al·lòctona
Habitat: Introdusides as estanhs
A mès dera trueita comuna autoctòna des arrius de montanha, enes estanhs tanben s’an introdusit varietats centreeuropèes de trueita d’arriu pr’amor que ja èren adaptades a reprodusir-se en piscifactories.
Trueita de riuòt
Salvelinus fontinalis
Al·lòctona | Introdusides as estanhs
Trueita de riuòt
Salvelinus fontinalis (Mitchill, 1814)
Origin: Al·lòctona
Habitat: Introdusides as estanhs
Ei ua espècia originària der èst d’America deth Nòrd. Viu originàriament en arrius e lacs d’aigües fòrça heiredes, hèt que permet que s’adapte fòrça ben enes estanhs deth Pirenèu. Actuaument, s’a introdusit en toti es continents.
Trueita irisada
Oncorhynchus mykiss
Al·lòctona | Introdusides as estanhs
Trueita irisada
Oncorhynchus mykiss (Walbaum, 1792)
Origin: Al·lòctona
Habitat: Introdusides as estanhs
Ei ua espècia originària dera conca nòrd deth Pacific. Coma passe damb era trueita comuna, ei ua des 100 espècies mès invasores deth mon. S’utilize entà repoblacions des de finaus de sègle XIX. I a desparières subespècies adaptades a víuer ena mar, arrius e lacs.
