Aguest an, es còps de biològs dera Universitat de Barcelona e dera Universitat de Pavia an contunhat eth seguiment en totes es parcèlas permanentes des desuènta molleres on s’an realizat accions de gestion e restauracion dens eth projècte LIFE RESQUE ALPYR. Aguestes desuènta molleres son distribuïdes entre eth Parc Nacional d’Aigüestortes e Estanh de Sant Maurici (PNAESM), eth Parc Natural deth Alt Pirineu (PNAP), era Val d’Aran (Aran) e eth Parc Nacional Gran Paradiso (PNGP).
En quate d’eles, en 2023 s’establiren tancats d’exclusion deth bestiar entà protegir-les dera sobrefrequentacion ramadera, pramèrament per vacas e eugues: Estanyeres de Son (PNAESM), Plan deth Horn (Aran), Planell de Sartari e Comes de Rubió (PNAP). Eth 2025, s’an protegit tanben damb tanques diuèrses habitats de torbera entorn deth lac Djouan, ath Parc Nacional Gran Paradiso.
Entre 2023 e 2024 se realizèren talades dirigides entà eliminar es poblacions de pins des habitats umids o entà frenar era avançada d’aguestes poblacions (aclarides e talada de pins joeni) ena mollera dera cabana de Parros (Aran), mollera de Locampo (PNAESM) e Pla Muntaner (PNAP).
Finauament, s’a recuperat era sega d’èrba en dues zònes deth fons de val qu’ente es intercalen prats de dall, prats d’èrba roja e molleres o torberes. Son ua partida des Planes de Son (ZEC Aigüestortes) e era partida bassa dera pleta de Molières (Aran). Era sega s’arrealize cada an consecutivament des de 2023.
En totes es molleres, s’an recolhit mostres de briòfits entà èsser identificadi posteriorament en laboratori. S’an actualizat es inventaris de biodiversitat vegetau en totes es parcèlas de seguiment e s’a acompanhat damb era presa de dades de variables ambientaus coma eth nivèu dera aigua freàtica, eth sòn pH, conductivitat electrica, etc. Totes es preses de dades s’an realitzat en campanhes durant es mess de junh e julhet.
Aguestes dades seràn cabdaues entà poder-les comparar damb aqueres de biodiversitat de microeucariòtes deth sòl e entà poder estudiar es canvis en estat de conservacion d’aguestes molleres après es accions de melhora.
A mès des abitats de torbères, aguest an tanben s’a contunhat eth seguiment scientific enes lacs de nauta montanha a on se hèn es activitats de restauracion. Eth mostratge includís paramètres fisicoquimics (temperatura, conductivitat, alcalinitat e concentracion de nutrients dissòlvuts coma nitrats e fosfats), indicators biologics (fitoplancton, zooplancton e macroinvertebrats) e era recuelhuda de mostres entà analisis genetiques (ADN environamentau). Tanben s’a realizat eth seguiment de ratapenats (principaument mejançant registres sonòrs) e de micromamifèrs semiaqüatics (prospectacions in situ e recuelhuda d’excrements e d’auti indícis).
