Sistèma de morassi plaçat en SCI Alt Pallars. Eth creishement d’arbes enes mojanquèrs s’a anat incrementant per abandonament dera tèrra, coïncidint a mès damb un increment de temperatures e periòdes secs estivaus mès longui. Aguesta preséncia d’arbes produsís un increment dera transpiracion e ua baishada deth nivèu freatic, en un procès de retroalimentacion. En Parros, a on era cobertura de pins s’a duplicat des der an 1956, s’amiaràn a tèrme talhades selectives entà refortir era conservacion des valors naturaus e mantier era rica biodiversitat associada ad aguest singular sistèma de morassi.
