Sistèma de morassi plaçat en SCI Alt Pallars, ena zòna centre-orientau deth Pirenèu entre era Val d’Aran e Andòrra. Eth creishement d’arbes enes morassi s’incremente per abandonament dera tèrra, coïncidint a mès damb un increment de temperatures e periòdes secs estivaus mès longui. Aguesta preséncia d’arbes produsís un increment dera transpiracion e ua baishada deth nivèu freatic, en un procès de retroalimentacion. En Pla Muntaner, a on era practica totalitat des pins que i a an mens de 60 ans, s’amiaràn a tèrme talhades selectives entà refortir era conservacion des valors naturaus e mantier era rica biodiversitat associada ad aguest singular sistèma de morassi.
